( ചിത്രം - കടപാട് ഗൂഗിള്‍ )
ഇന്നെന്തേ ഉറക്കം അകന്നിരിക്കുന്നു
ബോധ മണ്ഡലത്തിന്‍റെ നൂല്‍ കണ്ണികള്‍
പൊട്ടി തുടങ്ങിയോ....?
എങ്കിലും
നിന്‍റെ നിഗൂഡ സ്വര്‍ഗത്തിന്‍ താക്കോല്‍
എനിക്കു വേണ്ട
ഒരിക്കലും തുറക്കാത്ത ആ വാതിലില്‍
കാത്തിരിക്കാന്‍ മാത്രം
മൂടനും അല്ല ഞാന്‍
പൂജയും പ്രാര്‍ത്ഥനയുമായി
നിന്‍റെ ഭണ്ടാരത്തിന്
അടയിരിക്കുന്നവര്‍ക് നീ
അത് പകുത്തു നല്കുക
ശേഷിക്കുന്നവര്‍
നരകം അര്‍ഹിക്കുന്ന പാപികള്‍ എങ്കില്‍
എന്നെയും ആ ഗണത്തില്‍ പെടുത്തുക
നിന്‍റെ നിഗൂഡ സ്വര്‍ഗത്തിന്‍ താക്കോല്‍
എനിക്കു വേണ്ട
രണ്ടു കല്ലുകള്‍ സംഘടിപിക്കണം
നാളെമുതല്‍ വീണ്ടും
ഉരുട്ടി തുടങ്ങണം
അവസാന കണ്ണിയും
പൊട്ടി കഴിയുമ്പോള്‍
ആ കല്ലുകളിലോന്നില്‍
എനികെന്‍റെ ആത്മാവ് സമര്‍പിക്കണം,...
സുബോധമുള്ളവര്‍ യാഥാര്‍ത്യത്തിനു
മറപിടിക്കുമ്പോള്‍ ഇവിടെ ഒരു
ഭ്രാന്തന്‍റെ ജല്പനം ആര്‍കുവേണ്ടി.........???
